रविलाई पुर्याइयो भैरहवा, सोमबार अदालतमा उपस्थित गराइने

काठमाडौं । सहकारी ठगी प्रकरणमा पक्राउ परेका राष्ट्रिय स्वतन्त्र पार्टीका सभापति रवि लामिछानेलाई भैरहवा पुर्याइएको छ ।

उनलाई यती एयरलाइन्सको विमानमार्फत बिहान ९ बजेर १२ मिनेटमा भैरहवा लगिएका हो । शुक्रबार राति निजी निवास काठमाडौंको बुढानिलकण्ठबाट पक्राउ परेका थिए ।

उनलाई अब जिल्ला प्रहरी कार्यालयको हिरासतमा राखिनेछ । आज शनिबार र भोली आइतबार सार्वजनिक बिदा भएकाले सोमबार रुपन्देही जिल्ला अदालतमा उपस्थित गराइने भएको छ ।

शुक्रबार उच्च अदालत तुलसीपुरको बुटवल इजलासले उनलाई सहकारीको रकम ठगेको कसुरमा पुर्पक्षका लागि थुनामा पठाउन आदेश गरेको थियो ।