रवि पक्राउको विरोधमा पोखरामा प्रदर्शनमा उत्रिएका रास्वपा कार्यकर्तामाथि अश्रुग्यास प्रहार

काठमाडौं । आफ्ना सभापति रवि लामिछाने पक्राउको विरोधमा पोखरामा प्रदर्शनमा उत्रिएका राष्ट्रिय स्वतन्त्र पार्टी (रास्वपा) का कार्यकर्तामाथि प्रहरीले अश्रुग्यास प्रहार गरेको छ ।

रास्वपाका नेताकार्यकर्ताले रत्नचोक हुँदै वाई चोकमा निषेधित क्षेत्र तोड्न खोजेपछि प्रहरीले अश्रुग्यास प्रहार गरेको हो ।

पूर्वगृहमन्त्रीसमेत रहेका सभापति लामिछाने पोखराको सूर्यदर्शन सहकारी ठगी प्रकरणमा कात्तिक २ गते पक्राउ परेका हुन् ।

उनी पक्राउ परेदेखि नै राजनीतिक पूर्वाग्रह राखिएको भन्दै रास्वपा नेताकार्यकर्ताले विरोध प्रदर्शन गर्दै आएका छन् । आज लामिछानेलाई म्याद थपका लागि तेस्रो टक अदालत उपस्थित गराउनेबेला बाहिर उनका कार्यकर्ताहरुले प्रदर्शन गरेका हुन् ।

प्रदर्शनकारीले निषेधित क्षेत्र तोड्न खोजेपछि नियन्त्रण गर्न प्रहरीले ४ राउन्ड अश्रुग्यास प्रहार गरेको हो ।