रवि लामिछानेलाई म्याद थपका लागि अदालतमा उपस्थित गराइयो

काठमाडाैँ । सूर्यदर्शन सहकारीको रकम अपचलनमा संलग्न आरोपमा पक्राउ परेका पूर्व गृहमन्त्री तथा रास्वपाका सभापति रवि लामिछाने र पूर्व डीआईजी छविलाल जोशीलाई अदालतमा उपस्थित गराइएको छ ।

पुनः म्याद थपको लागि उनीहरूलाई कास्की जिल्ला अदालतमा उपस्थित गराइएको हो । कास्कीका एसपी श्यामबावु ओलियोले उनीहरूउपर थप अनुसन्धान भइरहेको जानकारी दिएका छन् ।

जिल्ला सरकारी वकिल कार्यालय कास्कीकी प्रमुख कमला काफ्लेको कार्यकक्षमा बुधबार रविको बयान लिइएको थियो । गत शुक्रबार पक्राउ परेका लामिछानेलाई ६ दिनको म्याद थपिएको थियो । उनलाई पक्राउगरेपछि रास्वपाले पोखरा केन्द्रित आन्दोलन गर्दै आइरहेको छ ।