मंगलबार, जेठ २०, २०८२
कर्पोरट खबर
8:34 pm, आइतबार, जेठ १८, २०८२
काठमाडौं । सोमबार राजावादी समूहले उपत्यका बन्द गर्ने घोषणा गरेका छन् ।
आज भएको प्रर्दशनका क्रममा राप्रपा नेपालका अध्यक्ष कमल थापा, राप्रपाका सांसद दिपक बहादुर सिंह, शिला राणा, राकेश बस्नेत, रामचन्द्र लामिछाने, विनोद कपाली र सरोज तिमिल्सिना पक्राउ परेका छन् । उनीहरु पक्राउ परेपछि राजावादी समूहले सोमबार उपत्यका बन्द गर्ने घोषणा गरेको हो ।
नवराज सुवेदी नेतृत्वको संयुक्त जनआन्दोलन समितिले आज विज्ञप्ति जारी गर्दै शान्तिपूर्ण आन्दोलनकै क्रममा राप्रपा नेपालका अध्यक्ष थापा,राप्रपा सांसद सिंह लगायतलाई प्रहरीले अमानवीय तवरले पक्राउ गरेको भन्दै सोमबार उपत्यका बन्द गर्ने घोषणा गरेको हो ।
पक्राउ परेका सबै जनालाई रिहाइ गर्न माग गरिएको छ ।
‘सरकारको बर्बर दमनको विरोध गर्दै हामी आन्दोलनको स्वरूप परिवर्तन गर्न बाध्य भएका छौँ । यसै क्रममा भोली जेठ १९ गते हामीले उपत्यका बन्दको घोषणा गरेका छौँ । उपत्यका बन्दको क्रममा आ–आफ्नो टोल र चोकमा बसी सक्रिय भूमिका निर्वाह गर्न आन्दोलनमा सहभागी सहयोद्धाहरूलाई आह्वान गर्दछु,’विज्ञप्तिमा भनिएको छ ।
FACEBOOK COMMENTS