ट्रम्पलाई रुसको जवाफ– नयाँ प्रतिबन्धको पनि सामना गर्छौं

काठमाडौं । अमेरिकी राष्ट्रपति डोनाल्ड ट्रम्पले दिएको चेतावनीको रुसले जवाफ दिएको छ ।

रुसी विदेशमन्त्री सर्गेई लाभरोभले अमेरिकी राष्ट्रपति ट्रम्पले दिएको ५० दिनको समय सीमाबारे प्रतिक्रिया दिँदै आफूहरूले ट्रम्पले भन्न खोजेको कुरा बुझ्ने प्रयास गरिरहेको बताएका छन् ।

रुसको सरकारी समाचार एजेन्सी तासका अनुसार, विदेशमन्त्री लाभरोभले रुसले ट्रम्पले ५० दिनको समय दिँदै के भन्न खोजेको हो भनेर जान्न चाहेको बताएका हुन् ।

उनले भने, ‘५० दिनको यो कथनको अर्थ के हो । यसअघि पनि २४ घण्टा र १०० दिनको समयसीमा दिइएको थियो । हामीले यो सबै देखेका छौं र अमेरिकी राष्ट्रपतिको मनसाय बुझ्न चाहन्छौं ।’

अमेरिकी राष्ट्रपति ट्रम्पले यदि ५० दिनमा युक्रेनसँग युद्धविराम नगरेमा रुसविरुद्ध भारी शुल्क लगाउने चेतावनी दिएका छन् ।

लाभरोभले ट्रम्प युरोपेली सङ्घ र नेटोको दबाबमा रहेको दाबी गरेका छन् । युरोपेली सङ्घ र नेटोले युक्रेनी राष्ट्रपति भोलोडिमिर जेलेन्स्कीको मागलाई समर्थन गरिरहेका छन् र उनलाई निरन्तर हतियार प्रदान गरिरहेका छन् । पश्चिमी देशका करदाताहरूले बढ्दो क्षतिको रूपमा यसको मार खेपिरहेका छन् ।

लाभरोभले रूसले पहिले नै ‘अभूतपूर्व प्रतिबन्धहरू’ को सामना गरिरहेको बताउँदै कुनै पनि नयाँ प्रतिबन्धहरूको सामना गर्ने विश्वास व्यक्त गरेका छन् ।

Shorts

सिद्धबाबा सुरुङमार्गको भौतिक प्रगति ५७ प्रतिशत

पहिलो नेपाली टक शो ‘ह्याप्पी शो अष्ट्रेलिया’ सार्वजनिक

मुस्ताङको कोराला नाका पूर्ण सञ्चालनमा ल्याउछौँ : प्रधानमन्त्री ओली

राजीनामा दिएका मन्त्री राजकुमार गुप्तालाई पक्राउ गर्न ज्ञानेन्द्र शाहीको माग

बरुण हाइड्रोपावरको हकप्रद शेयर बिक्री खुला

साउनदेखि सबै सरकारी भुक्तानी अनलाइनबाट हुने

आर्थिक सूचक सकारात्मक रहेको प्रधानमन्त्री ओलीको दाबी

बन्दीपुर केबलकारले आईपीओ ल्याउँदै

मौद्रिक नीतिले आर्थिक गतिविधि बढाउने सीएनआईको अपेक्षा

सिद्धार्थ बैंकको साढे २ अर्बको ऋणपत्र बिक्री खुला