कार्टुनमा ५० लाख प्रकरण : सौर्य एयरलाइन्सका स्टेशन म्यानेजर पक्राउ

विराटनगर । अवैध रकम ओसारपसारमा संलग्न रहेको भन्दै प्रहरीले सौर्य एयरलाइन्स विराटनगरका स्टेशन म्यानेजर प्रकाश पौड्याललाई पक्राउ गरेको छ ।

पौडेललाई हिजो शनिबार साँझ नै पक्राउ गरिएको प्रहरीले बताएको छ । प्रहरीले उनलाई थप अनुसन्धानका लागि ललितपुरस्थित राजस्व अनुसन्धान विभाग पठाएको छ ।

शनिबार नै सौर्य एयरलाइन्सकी कर्मचारी रेशा शाक्य पोख्रेल सोही प्रकरणमा पक्राउ परेकी थिइन् । शनिबार विराटनगरदेखि काठमाडौं आएको सौर्य एयरको जहाजमा ५० लाख रुपयाँ अवैध रकम भेटिएको थियो ।

विराटनगरबाट आएको सो रकम बुझ्न सौर्य एयरलाइन्स काठमाडौंमा कार्यरत पोख्रेल गएकी थिइन् । सोही बेला प्रहरीले पोख्रेललाई पक्राउ गरेको थियो ।