मदनकृष्ण र गौरीको अभिनय रहेको ‘सुनको कचौरी’ सार्वजनिक

काठमाडौं ।  वरिष्ठ कलाकार मदनकृष्ण श्रेष्ठ र मिलन नेवारको युगल स्वरमा ‘सुनको कचौरी’ बोलको गीत आएको छ । राजधानीमा आयोजित एक समारोहका बीच गीत सार्वजनिक गरिएको हो । गीतमा राजनराज सिवाकोटीको शब्द तथा संगीत छ । गीतको भिडियो राजेश पुमा राईले निर्देशन गरेका हुन् । भिडियोमा मदनकृष्ण श्रेष्ठ र गौरी मल्लको अभिनय देख्न सकिन्छ ।

मदनकृष्ण र गौरीको जोडी अभिनय रहेको भिडियोमा उत्सव दाहालको छायाँकन, सन्तोष राजबाकको सम्पादन छ ।