अर्थतन्त्र ‘कोमा’ मा थियो, दुई तिहाइको सरकार बनेपछि ‘आईसीयू’ मा ल्यायौं : सञ्चारमन्त्री गुरूङ

काठमाडौं । सञ्चार तथा सूचना प्रविधिमन्त्री पृथ्वीसुब्बा गुरूङले वर्तमान सरकार बनेपछि अर्थतन्त्रमा सुधार आएको दाबी गरेका छन् ।

बिहीबारदेखि भृकुटीमण्डपमा सुरू ‘आठौं नेपाल चेम्बर एक्स्पो २०२५’ को उद्घाटन समारोहमा बोल्दै उनले नेकपा (एमाले) र नेपाली कांग्रेसको सत्ता साझेदारीमा दुई तिहाइको सरकार गठनपछि अर्थतन्त्र सुधारोन्मुख दिशामा गएको बताएका हुन् ।

उनले कोमामा रहेको अर्थतन्त्रलाई वर्तमान सरकारले आईसीयूमा ल्याएको बताए ।

उनले भने, ‘हामी आउनुभन्दा अघि अर्थतन्त्र ध्वस्त थियो, हामी आएपछि बल्ल सुधारतर्फ आयो ।’

सूचना प्रविधिका क्षेत्रमा धेरै काम गर्न र नियार्त बढाउन सरकारले कानुनी बाटो खोल्नका लागि अध्यादेशमार्फत सहजीकरण गरेको उनको भनाइ छ ।