जाइस् प्रविधियुक्त क्यामेरा र शक्तिशाली फिचरसहित भिभो ‘भि६०’ नेपालमा सार्वजनिक

काठमाडौं । विश्वव्यापी स्मार्टफोन ब्राण्ड भिभोले आफ्नो नयाँ फ्ल्यागशिप स्मार्टफोन ‘भि६०’ नेपालमा सार्वजनिक गरेको छ ।

काठमाडौंमा एक कार्यक्रमको आयोजना गरि मिडिया प्रतिनिधि, इन्फ्लुएन्सर र राष्ट्रिय वितरकहरूको उपस्थिति बीच भिभो भि६० सार्वजनिक गरिएको हो ।

यो फोन भिभोको हालसम्मकै सबैभन्दा प्रिमियम मोबाइलको रूपमा आएको छ । जसमा विश्वप्रसिद्ध जाइस् प्रविधियुक्त क्यामेरा इनोभेसनको प्रयोग गरिएको छ ।
‘भिभो भि६०’ मा रहेको ५० मेगापिक्सेलको जाइस् सुपर टेलिफोटो क्यामराले धेरै टाढाबाट पनि स्पष्ट र सुन्दर पोट्र्रेट खिच्न सक्ने क्षमता राख्दछ ।

पाँच फरक फोकल लेन्थ (२३ मि.मि.देखि १०० मि.मि. सम्म) ले हरेक दृश्यलाई कलात्मक ढंगले क्याप्चर गर्छ ।
फोनमा ५० मेगापिक्सेलको जाइस् मुख्य क्यामेरा, ८ मेगापिक्सेलको अल्ट्रा वाइड एंगल क्यामेरा र ५० मेगापिक्सेलको ग्रुप सेल्फी क्यामरा रहेको छ ।

यी सबैलाई अल्ट्रा क्लियर फोर के भिडियो सपोर्ट र एआई औरा लाइटले अझ प्रभावशाली बनाएको छ, जसले कम प्रकाशमा पनि स्पष्ट फोटो खिच्न सकिन्छ ।
डिजाइनको हिसाबले भिभो भि६० मा इक्वेल डेप्थ क्वाड–कर्भ डिस्प्ले प्रयोग गरिएको छ । जसले फोनलाई स्लिम बेजलसहित आकर्षक बनाएको छ ।
पछाडिको स्टार ट्रायल क्यामरा मोड्युलले यसको मिनिमलिस्टिक डिजाइनलाई थप निखार दिएको छ ।

फोन दुई आकर्षक रङ, मिस्ट ग्रे र बेरी पर्पलमा उपलब्ध हुनेछ ।
डायमण्ड शिल्ड ग्लास र आइपी६८/६९ रेटिङका साथ यो फोनलाई धुलो र पानी प्रतिरोधी बनाएको छ ।
साथै, भिभोको वानट्याप ब्याट्री इजेक्सन र डस्ट रिमोवल फिचरले यसलाई थप सुरक्षित बनाएको छ ।

भि६० मा ६५ सय एमएएचको पावरफुल ब्लु भोल्ट ब्याट्री र ९० वाट फ्ल्यास चार्ज सपोर्ट रहेको छ, जसले द्रुत रूपमा चार्ज भएर दिनभरि काम गर्ने क्षमता राख्दछ ।
यो स्मार्टफोन क्वालकमको नयाँ जेनेरेसन स्न्यापड्रैगन ७ जेन ४ चिपसेट र १२ प्लस १२ जिबीको विस्तारित र्‍यामका साथ आएको छ ।

नेपालमा भिभो भि६० को पि–बुकिङ भदौ १२ देखि १६सम्म खुला हुनेछ ।
पहिलो बिक्री भने भदौ १७ बाट सुरु हुनेछ । फोन भिभोका आधिकारिक रिटेल स्टोरहरू तथा दराज अनलाइनमा उपलब्ध हुनेछ ।

प्रि–बुकिङ गर्ने ग्राहकहरूले भिभो इयरबड्स उपहारस्वरूप प्राप्त गर्नेछन् ।
१२ जिबी र्‍यामसहित २५६ जिबी स्टोरेज भएको मोडेलको मूल्य ७० हजार ९ सय ९९ र ५१२ जिबी स्टोरेज भएको संस्करणको मूल्य ७५ हजार ९ सय ९९ तोकिएको छ ।

४० प्रतिशत डाउनपेमेन्टमा एक वर्षको किस्ताबन्दीमा फोन किन्न सकिनेछ ।
यसै अवसरमा, भिभोले आफ्नो आधिकारिक एक्सचेन्ज प्लेटफर्म ‘नयापुराना’ मार्फत पुराना स्मार्टफोन साट्ने सुविधा पनि दिएको छ ।