चितवनमा ४२ सशस्त्र प्रहरीलाई कोरोना संक्रमण पुष्टि

काठमाडौं, भदौ २ – चितवनमा ४२ प्रहरीमा कोरोना संक्रमणको पुष्टि भएको छ। राप्ती नगरपालिकाको भण्डारामा रहेको सशस्त्र प्रहरी बल नं ३ गढीमाई बाहिनी बागमती प्रदेशका ४२ प्रहरीमा एकैसाथ कोरोना सङ्क्रमणको पुष्टि भएको हो।

संक्रमित प्रहरी मध्ये दुई महिला र ४० पुरुष रहेको भरतपुर कोभिड–१९ प्रयोगशालाले जानकारी दिएको छ । ६० जनाको नमूना सङ्कलन गरी पठाइएकामा ४२ जनामा सङ्क्रमण देखिए हो। नौ जनालाई ज्वरो आएकामा ८ जना निको भएको उनले जानकारी दिए ।

यसअघि सोही बाहिनीका आठ जनामा कोरोना सङ्क्रमण देखिएपछि अन्यको परीक्षण गरिएको बाहिनी प्रमुख सशस्त्र प्रहरी नायब महानिरीक्षक मन्दिप श्रेष्ठले जानकारी दिएका छन् । बाहिनीमा ३०० भन्दा बढी सशस्त्र प्रहरी रहेका छन् ।

दुई दिनअघि पूर्वी चितवनका नगरप्रमुखहरुको बैठकले सो बाहिनी उच्च जोखिममा रहेको भन्दै त्यहीँ आइसोलेसन निर्माण गर्न बागमती प्रदेशलाई अनुरोध गर्ने निर्णय गरेको थियो ।
सङ्क्रमण देखिएका प्रहरीलाई त्यहीँभित्र आइसोलेसन तयार गरी उपचार गरिने छ।