जुवा खेलिरहेका ८ जुवाडे पक्राउ

काठमाडौं, असोज १९ – सिरहाको मिर्चैयास्थित एक होटलमा जुवा खेलिरहेका आठजनालाई प्रहरीले पक्राउ गरेको छ । मिर्चैया नगरपालिका ६ स्थित होलिडे होटलमा जुवा खेलिरहेको अवस्थामा केही थान तासकाे सेट र नगद एक लाख पाँच हजारसहित आठजनालाई पक्राउ गरेको प्रहरीले जनाएको छ ।

मिर्चैया इलाका प्रहरी कार्यालयका डिएसपी सन्तुलाल जैसवालले पक्राउ परेका सबैलाई कानुनबमोजिम कारबाहीको प्रक्रिया अघि बढाइएको बताए । चाडवाड नजिकिएसँगै जुवा खेल्ने क्रम बढ्ने भएकाले प्रहरीले निगरानी बढाएको हो ।