थप ८२१ जनामा कोरोना पुष्टि, ८४२ जना कोरोनामुक्त

काठमाडौं, २९ मंसिर – नेपालमा ८२१ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा ८२१ जना नयाँ संक्रमित थपिएका हुन् ।   

योसंगै नेपालभर कोरोना संक्रमितको संख्या दुई लाख ४९ हजार २४४ रहेको छ । संक्रमित मध्ये दुई लाख ३६ हजार ५७३ जना निको भएर घर फर्किसकेका छन् ।  हाल संक्रिय संक्रमितको संख्या १० हजार ९५५ रहेको छ ।       

पछिल्लो २४ घण्टामा ८४२ जना कोरोनामुक्त भएका छन् भने १८ जनाको मृत्यु भएको छ ।