थप ९६जनामा कोरोना संक्रमण , १११जना कोरोना संक्रमणमुुक्त , ३ जनाको मृत्यु

काठमाडौं,६ फागुन –पछिल्लो २४ घण्टामा नेपालमा ९६ जना कोरोना संक्रमित थपिएका छन्। यो सँगै कुल संक्रमितको संख्या २ लाख ७३ हजार १ सय ६६ जना पुगेको स्वास्थ्य तथा जनसंख्या मन्त्रालयले जनाएको छ। जसमध्ये १ हजार ६ सय ३ जना सक्रिय संक्रमित छन्।२४ घण्टामा ३ हजार ५ सय ४१ जनाको पिसिआर परीक्षण गर्दा ९६ जनामा कोरोना पुष्टि भएको छ। यो सँगै नेपालमा पिसिआर परीक्षण हुनेको संख्या २१ लाख ३१ हजार ३ सय ३० पुगेको छ।

२४ घण्टामा थप ३ जना कोरोना संक्रमितको मृत्यु भएको छ। यो सँगै कोरोना संक्रमित मृतकको संख्या २ हजार ५८ जना पुगेको छ। हाल ७१ जना क्वारेन्टाइनमा छन्।

२४ घण्टामा १ सय ११ जना उपचारपछि डिस्चार्ज भएका छन्। यो सँगै नेपालमा निको हुनेको संख्या २ लाख ६९ हजार ५ सय ५ पुगेको मन्त्रालयले जनाएको छ। यस्तै, देशभर हाल ७४ जना कोरोना संक्रमित अस्पतालको आइसियु र भेन्टिलेटरमा छन्।