महिन्द्रा उदय मेला भव्य रुपमा सम्पन्न

काठमाण्डौँ — महिन्द्राले नेपालमै पहिलोपटक बृहत् एकल अटो प्रदर्शनी ‘महिन्द्रा उदय’को मेला भव्य रुपमा सम्पन्न गरेको छ।

काठमाडौंको भृकुटीमण्डपमा शुक्रबारदेखि सुरु भएको मेलामा करिब १० हजार मानिसले अवलोकन गरेको आयोजकको दाबी छ।

कम्पनीले नेपाली बजारमा बिक्री वितरण गर्दै आएका ३५ भन्दा बढी मोडलका उत्पादन प्रदर्शनीमा राखेको थियो।

मेलामा महिन्द्राले ६ वटा नयाँ गाडी नेपाली बजारमा अनावरण गरेको थियो।

आकर्षक डिजाइन, उत्कृष्ट पर्फर्मेन्स र विशेषताका एसयुभी निर्माणमा चर्चित कम्पनीले आफ्ना सबै उत्पादनलाई उक्त मेलामा राखेको थियो।

— नागरीक