सुनको भाउ घट्यो, चाँदीको स्थिर

काठमाडौं,कार्तिक १८ – नेपाली बजारमा सुनको भाउ उतारचढाव हुने क्रम रोकिएको छैन । आइतबार प्रतितोला ७१ हजार २ सय पुगेको सुनको मूल्य सोमबार भने २ सय रुपैयाँले घटेको छ ।

आज छापावाल सुन प्रतितोला ७१ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै, तेजावी सुन प्रतितोला ७० हजार ७ सय रुपैयाँमा कारोबार भइरहेको महासंघले जनाएको छ ।
चाँदीको भाउ भने आज स्थिर रहेको छ ।चाँदी आज पनि तोलाको ८ सय ७० रुपैयाँमा कारोबार भएको छ ।