वैशाखदेखि मोतिहारी–अमलेखगन्ज पेट्रोलियम पाइपबाट पेट्रोल

काठमाण्डौँ — मोतिहारी–अमलेखगन्ज पेट्रोलियम पाइपबाट वैशाख पहिलो हप्तादेखि इन्धन आपूर्ति गरिने भएको छ।

पाइप बिछ्याउने काममा अवरोध बनेको पर्सा निकुञ्ज क्षेत्रको रुख कटान सुरु गरिएकाले वैशाखबाटै तेल ल्याउन सकिने स्थिति बनेको हो।

निकुञ्जको नौ किलोमिटर क्षेत्रको रुख कटान गरी पाइपलाइन बिछ्याउने काम सुरु भइसकेको र वैशाख पहिलो हप्ता निर्माण सम्पन्न हुने आयोजनाका अधिकारीहरुले बताएका छन्।

आयोजना प्रमुख प्रदिप यादव भन्छन्, ‘पाइपलाइनको ८० प्रतिशत काम सकिएको छ। बाँकी रहेको पाइप बिछ्याउने कार्य एक महिनाभित्रमा पूरा हुन्छ।

यादवका अनुसार भारतको मोतिहारीदेखि अमलेखगन्जसम्मको ६९ किलोमिटर पाइपलाइनमध्ये नेपालतर्फ पर्ने आठ किलोमिटर मात्रै पूरा गर्न बाँकी छ।

— नागरीक