अमेरिकी डलरको तुलनामा नेपाली रुपैयाँ अहिलेसम्मकै सस्तो

काठमाडौं – अमेरिकी डलरको तुलनामा नेपाली रुपैयाँ अहिलेसम्मकै सस्तो भएको छ ।

डलरको तुलनामा भारतीय रुपैयाँको तीव्र अवमूल्य भएपछि यसको प्रभाव नेरूमा देखिएको हो । नेरूको भारूसँग स्थिर विनिमय दर छ ।

अन्तरराष्ट्रिय बजारमा कच्चा तेलको भाउ बढेपछि भारतको चालू खाता घाटा बढ्ने चिन्ताले डलरको तुलनामा भारू सस्तो भएको हो ।

नेपाल राष्ट्र बैङ्कले बिहीवार १ डलरबराबर १ सय १० रुपैयाँ ६२ पैसा विनिमयदर तोकेको छ ।

यो आर्थिक वर्ष शुरू भएदेखि अहिलेसम्म नेरू डलरको तुलनामा ७ रुपैयाँ १४ पैसा सस्तो भएको छ । आर्थिक वर्षको शुरूमा सो विनिमय दर १ सय ३ रुपैयाँ ४६ पैसा थियो ।

यसरी डलरको भाउ आकाशिँदै जाँदा दैनिक उपभोग्य वस्तु महँगिएर मुद्रास्फीति त बढ्छ नै बाँकी विश्वसँगको व्यापार घाटा पनि बढ्छ ।