काठमाडौंमा राजतन्त्र र हिन्दू राष्ट्रको पक्षमा प्रदर्शन

काठमाडौं, १५ मंसिर –  काठमाडौंमा आज सोमबार राजतन्त्र पक्षधरले प्रदर्शन गरेका छन्।

राष्ट्रिय शक्ति नेपाल उपत्यका आन्दोलन परिचालन समितिको नाममा प्रदर्शन भएको हो। प्रदर्शनका सहभागीले पृथ्वीनारायण शाहको तस्बिर अंकित प्लाकार्ड र राष्ट्रिय झण्डा बोकेका थिए।

माइतीघरदेखि नयाँ बानेश्वरसम्म गरिएको प्रदर्शनका सहभागीले राजा आऊ, देश बचाऊ, संघीयता खारेज गर, हिन्दू राज्य कायम गर जस्ता नारा पनि लगाएका थिए।