खुर्सानीको धुलो छर्केर ५० लाख रुपैयाँ लुट्ने ६ जना पक्राउ

काठमाडौं, माघ १२- प्रहरीले खुर्सानीको धुलो छर्केर ५० लाख रुपैयाँ लुट्ने ६ जना पक्राउ गरेको छ । पक्राउ परेकाहरुलाई महानगरीय अपराध महाशाखाले पत्रकार सम्मेलन गरी सार्वजनिक गरेको हो ।

पक्राउ पर्नेहरुमा दाङको पुरन्धारा गाउँपालिका ९ खेप्ताङका बेद बहादुर भनिने भिमबहादुर घर्तीमगर, नुवाकोटको दुप्चेश्वर नगरपालिका ६ का नकुर तामाङ, रसुवाको आमाछोदिङमो गाउँपालिका ५ घरका दवा छिरिङ तामाङ, रामेछापको मन्थली नगरपालिका ९ का कुमारबहादुर बुढाथोकी, रसुवाको उत्तरुगया गाउँपालिका २ खड्कुका तेन्जिङ बहादुर तामाङ र संजित वाइबा रहेका छन् ।

उनिहरुको समूहले काठमाडौं महानगरपालिका १५ भगवानपाउ बस्ने बच्चुराम गुरुङलाई खुकुरी र फलामको लठ्ठी देखाई आँखामा खुर्सानीको धुलो छर्किएर ५० लाख रुपैयाँ लुटपाट गरेका थिए ।