नेपाली कांग्रेसका केन्द्रीय सदस्य शिवप्रसाद हुमागाईंलाई कोरोना संक्रमण

काठमाडौं, कार्तिक १४ – नेपाली कांग्रेसका केन्द्रीय सदस्य तथा श्रम तथा ट्रेड युनियन विभाग प्रमुख शिवप्रसाद हुमागाईंलाई कोरोना संक्रमण देखिएको छ। हुमागाईंको सचिवालयले दिएको जानकारीअनुसार पिसिआर परीक्षणका क्रममा बिहीबार हुमागाईं र उनकी श्रीमती गायत्रीमा कोरोना संक्रमण पुष्टि भएको छ।

हुमागाईं होम आइसोलेसन बसेका छन्। यसबीचमा सम्पर्कमा आएकाहरूले सजगता अपनाउन हुमागाईंले आग्रह गरेका छन्।

‘उहाँहरू होम आइसोलेसनमा हुनुहुन्छ। स्वास्थ्य अवस्था सामान्य छ,’ हुमागाईंको सचिवालयले भन्यो।