नेपाल प्रहरीका १६ जना एसपीमा बढुवा सिफारिस

नेपाल प्रहरीका १६ जना प्रहरी उपरीक्षक (एसपी) मा बढुवा सिफारिस भएका छन्।

सोमबार बसेको बढुवा सिफारिस समितिको बैठकले १६ जना प्रहरी नायब उपरीक्षक(डिएसपी)लाई एसपीमा बढुवा सिफारिस गरेको हो।

बढुवा सिफारिस हुने मध्ये पहिलो नम्बरमा नेपाल प्रहरी प्रधान कार्यालय अपराध अनुसन्धान विभाग नक्सालका भुवनेश्वर तिवारी छन्।

दोस्रो नम्बरमा महानगरीय प्रहरी वृत्त, ठिमी भक्तपुरका ऋषिराम कँडेल, तेस्रोमा कर्णाली प्रदेश दंगा नियन्त्रण प्रहरी गण खजुरा, बाँकेका सुरेशप्रसाद काफ्ले र चौथोमा प्रधान कार्यालय प्रशासन विभागका अमरेन्द्रबहादुर सिंह छन्।  

त्यस्तै, प्रधान कार्यालय अपराध अनुसन्धान विभाग वैदेशिक महाशाखा नक्सालका श्याम सिंह चौधरी, प्रशासन शाखाका नकुल पोख्रेल, दार्चुलाका पदमबहादुर विष्टको पनि बढुवा सिफारिस भएको हो।