महासंघले कोरोना विरुद्द अभियान चलाउने, उमेशलाल श्रेष्ठको संयोजकत्वमा कार्यदल गठन

काठमाडौं, फागुन २९- नेपाल उद्योग वाणिज्य महासंघले कोरोना भाइरसका कारण विश्वनै त्रासत स्थितिमा रहेको अहिलेको अवस्थालाई समिक्षा गर्दै संक्रमणबाट बच्न पहल कदमी लिने निर्णय गरेको छ । महासंघले यूनएनडीपीरयूनिसेफको सहकार्यमा स्थानीयस्तरसम्म जनचेतनामुलक कार्यक्रम लैजाने निर्णय गरेको हो ।

विश्व स्वास्थ्य संगठनले समेत आपतकालिन स्थितिको घोषणा गरिसकेको परिस्थितिमा नेपाल समेत अत्यन्त जोखिमपूर्ण राष्ट्रको रूपमा रहेकाले सम्भावित जोखिमबाट जोगिन यस रोगका बारेमा पर्याप्त जानकारी सहित पूर्व सावधानी अपनाउन जरूरी रहेकोले महासंघले यूनएनडीपीरयूनिसेफ समेतको सहकार्यमा आफ्नो संजाल मार्फत जनचेतनामुलक कार्यक्रम स्थानीयस्तरसम्म लैजाने भएको हो ।

महासंघका उपाध्यक्ष उमेशलाल श्रेष्ठको संयोजकत्वमा कार्यदल गठन गरी उक्त कार्यदलमार्फत आवश्यक उपकरण, औषधि, सरसफाईका सामग्रीहरूको वर्तमान वस्तुको उपलब्धता संकलन गर्ने, मास्क, स्यानीटाइजरलगायतका सरसफाई सामग्री संकलन गर्ने र आवश्यकता र प्राथमिकताका आधारमा वितरण गर्ने पनि निर्णय गरेको छ ।

महासंघले आफ्ना सबै प्रदेश च्याप्टर मार्फत स्थितिको आंकलन गरी जनचेतनामुलक कार्यक्रम संचालन गर्न र आवश्यक सामग्रीहरूको वितरण गर्न प्रदेश च्याप्टरहरूलाई समेत आग्रह गर्ने भएको छ ।

हासंघले आफ्ना सबै प्रदेश च्याप्टरमार्फत स्थितिको आंकलन गरी जनचेतनामुलक कार्यक्रम संचालन गर्ने जानकारी दिँदै महासंघका सबै सदस्य संघ–संस्था, उद्योग प्रतिष्ठानहरूलाई आ–आफ्ना कार्य क्षेत्र र कार्य स्थलमा कोरोना भाइरसबारे पर्याप्त जनचेतनामुलक कार्यक्रम संचालन गर्नुका साथै उद्योग प्रतिष्ठानहरूमा कार्यरत श्रमिक कर्मचारीहरूलाई आवश्यक मास्क, स्यानिटाइजर लगायतका सरसफाईका सामग्रीहरू उपलव्ध गराई प्रयोग गर्न आग्रह गरेको छ ।