शनिबार, वैशाख १२, २०८३
कर्पोरट खबर
4:30 pm, शनिबार, वैशाख १२, २०८३
काठमाडौं । बीपी राजमार्गमा सवारी आवागमन रोकिएको छ । काभ्रेपलाञ्चोकका विभिन्न स्थानमा वर्षा भइरहेकाले सम्भावित जोखिमलाई मध्यनजर गर्दै बीपी राजमार्गमा शनिबार (वैशाख १२) दिउँसोदेखि सवारी आवागमन पूर्ण रूपमा बन्द गरिएको जिल्ला प्रहरी कार्यालयले जनाएको छ ।
“मौसममा सुधार आई सडकमार्गमा कुनै अवरोध नभएको अवस्थामा जिल्ला प्रहरी कार्यालय, काभ्रेपलाञ्चोकले अर्को सूचना प्रकाशन गरी बाटो सुचारु भएको जानकारी गराउनेछ,” प्रहरीले भनेको छ ।
विशेष गरी कटुन्जेदेखि मंगलटार सडकखण्डको घुमाउनेनजिक स्थानमा वर्षासँगै समस्या निम्तने गरेको छ । त्यहाँ रोशी खोलामा अस्थायी ‘डाइभर्सन’ बनाइएको छ ।
गत वर्ष असोजमा बाढीले उक्त क्षेत्रमा सडक बगाएको थियो । त्यसपछि खोलामा डाइभर्सन बनाएर त्यहीँबाट सवारी आवागमन गरिँदै आएको छ ।गएको चैतमा पनि बाढीले सडक बगाएको थियो ।
