साढे ३ लाख बढी रकमसहित ५ जुवाडे पक्राउ

काठमाडौं, कात्तिक १६ – दाङको घोराहीवाट साढे ३ लाख रकमसहित ५ जुवाडे पक्राउ परेका छन्। उनीहरूको नाम र ठेगाना खुलेको छैन। घोराहीको  मसिनाबाट गएराति ५ जुवाडे साढे ३ लाख बढी रकमसहित पक्राउ परेको एक प्रहरी अधिकारीले जानकारी दिए।

‘मध्य रातमा रकमसहित उनीहरूलाई नियन्त्रणमा लिइएको हो,’ एक प्रहरीले अधिकारीले भने ‘ उनीहरुलाई  आजै सार्वजनिक गर्ने तयारी छ।’

पक्राउ पर्नेसँग प्रहरीले थप अनुसन्धान अगाडि बढाएको छ।