सुनको मूल्य आज ८ सयले घट्यो

काठमाडौं, असोज २१ – नेपाली बजारमा सुनको मूल्य आज घटेको छ । मंगलबार सुनको मूल्य तोलामा ९४ हजार ९ सयमा कारोबार भएको आज तोलामा ८ सयले घटेको हो ।

नेपाल सुनचाँदी व्यवसायी महासंघकाअनुसार आज छापावाल सुनको मूल्य प्रतितोला ९४ हजार १ सय कायम गरिएको छ भने तेजावी सुनको मूल्य ९३ हजार ६ सय निर्धारण गरिएको छ ।

त्यस्तै, आज चाँदीको मूल्य पनि घटेको छ । आज चाँदीको मूल्य प्रतितोला ११७५ रहेको महासंघले जनाएको छ ।