पप्पुलाई साढे ५ अर्बको पुल बनाउन ठेक्का

काठमाण्डौँ — सरकारले विवादास्पद पप्पु कन्स्ट्रक्सन कम्पनीलाई पुल बनाउनकै लागि साढे ५ अर्ब रुपैयाँको ठेक्का दिएको छ ।

बर्दियाको बबई नदी जब्दीघाटमा भत्किएको पुल एक वर्षसम्म पनि पप्पु कन्स्ट्रक्सनले पुनर्निर्माण सुरु गरेको छैन ।

ठेक्का लिने, काम अलपत्र पारेको विषयमा समाचार सार्वजनिक भएपछि भौतिक पूर्वाधार तथा यातायात मन्त्रालयले उक्त कन्स्ट्रक्सनमाथि आन्तरिक छानबिनसमेत थालेको छ ।

यातायात मन्त्रालयका सचिव मधुसूदन अधिकारीले पप्पु र आबद्ध कम्पनीले लिएका ठेक्का र कामबारे आन्तरिक छानबिन थालेको बताए ।

पप्पु कन्स्ट्रक्सनले ठेक्का लिएका अधिकांश पुल अलपत्र छन् ।

— कान्तिपुर