काभ्रे जेसिजका कार्यकारिणी उपाध्यक्ष मानन्धरको शव फेला

चितवन, पुस १४- नेपाल जेसिजको ४६औं महाधिवेशनमा सहभागी हुन चितवन आएका काभ्रे जेसिजका कार्यकारिणी उपाध्यक्ष कृष्णकुमार मानन्धर मृत अवस्थामा फेला परेका छन् । उनी चितवनको रत्ननगरमा मृतावस्थामा फेलापरेका हुन् ।

शुक्रबारदेखि हराइरहेका मानन्धरको शव रत्ननगर नगरपालिका–९ स्थित एक इनारमा भेटिएको हो । घटनाको विषयमा थप अनुसन्धान सुरु गरिएको इलाका प्रहरी कार्यालय टाँडीले जनाएको छ ।

परिवारको आग्रहमा मानन्धरको शव इनारबाट निकालेर ‘पोस्टमार्टम’का लागि काठमाडौं पठाइएको छ ।