४ महिनामा ५ खर्बको आयात हुँदा ५० अर्बको निर्यात

काठमाडौँ । चालू आर्थिक वर्षको चार महिनामा नेपालमा ५ खर्ब १२ अर्ब रुपैयाँको आयात भएको छ ।

चालू आर्थिक वर्ष २०८०/८१ को साउनदेखि कात्तिक महिनासम्मको अवधिमा उक्त मूल्य बराबरको वस्तु आयात भएको हो ।

 

यस्तै, यस अवधिमा ५० अर्ब ५६ करोड रुपैयाँको निर्यात भएको छ । जबकि, गत आर्थिक वर्षको यही अवधिमा नेपालबाट ५४ अर्ब रुपैयाँको निर्यात भएको थियो । यस्तै, गत आर्थिक वर्षको चार महिनामा ५ खर्ब ३२ अर्ब रुपैयाँको आयात भएको थियो ।

यस अवधिमा नेपालको व्यापार घाटा ४ खर्ब ६१ अर्ब रुपैयाँ छ । गत आर्थिक वर्षको कात्तिकसम्ममा ४ खर्ब ७७ अर्ब रुपैयाँ व्यापार घाटा भएको थियो । यसैगरी, कात्तिक महिनासम्मको अवधिमा ५ खर्ब ६३ अर्ब रुपैयाँको वैदेशिक व्यापार भएको छ । गत वर्षको सोही अवधिमा ५ खर्ब ८७ अर्ब रुपैयाँ व्यापार भएको थियो ।