बज्र ग्रुपको नयाँ वर्ष अफरः १० हजारमा लेभ्निङ इलेक्ट्रिक स्कुटर

काठमाडौं । नयाँ वर्षको अवसरमा लेभ्निङ इलेक्ट्रिक स्कुटरको नेपालका लागि आधिकारिक वितरक बज्र ग्रुप अन्तर्गतको ईभी नेपाल मोटर्सले नयाँ वर्ष अफर सार्वजनिक गरेको छ ।

कम्पनीले नयाँ वर्षलाई लक्षित गर्दै ‘१० हजार हातमा, स्कुटर तपाईंको साथमा’ अफर सार्वजनिक गरेको हो । नेपालमा हालसम्म यस्तो स्किम कुनैपनि कम्पनीले सार्वजनिक नगरेको कम्पनीको दाबी छ ।

नेपाली बजारमा एलएक्स०१, एलएक्स०२, एलएक्स०४, एलएक्स०५, एलएक्स०५–डी, एलएक्स०६, एलएक्स०६ म्याक्स, एलएक्स०८, एलएस०१ र एम०४ मोडलका स्कुटर उपलब्ध छन् ।

यी स्कुटरमा विश्व प्रसिद्ध बोस कम्पनीको मोटर र विभिन्न क्षमताका लिथियम आयोन ब्याट्री प्रयोग गरिएको छ । ब्याट्री सिंगल र रिप्लेसेबल ड्युअल गरी दुवै प्रकारका छन् । स्कुटरमा विभिन्न तीन राइडिङ मोड छन् भने एन्टी थेफ्ट रिमोट कन्ट्रोल लगायतका विभिन्न फिचर उपलब्ध छन् भने २ वर्षको वारेन्टी उपलब्ध छ ।

काठमाडौं उपत्यकाको नक्साल, भैसेपाटी, बाफल र पाटनमा यसको सोरुम सञ्चालनमा रहेको छ ।

बज्र ग्रुपले नेपाली बजारमा ३० वर्ष भन्दा लामो समय देखि सेवा प्रदान गर्दै आएको छ । नेपाली बजारमा प्रतिष्ठित विदेशी ब्रान्डका सामग्री बिक्री–वितरण गरेर यो ग्रुपले लामो समय देखि नेपाली ग्राहकको मन जितेको छ ।