आइतबार स्थिर रहेको सुनचाँदीको मूल्य आज ह्वात्तै घट्यो, कतिमा हुँदैछ कारोबार ?

काठमाडौं । साताको पहिलो दिन हिजो आइतबार स्थिर रहेको सुन तथा चाँदीको मूल्य आज घटेको छ ।

आइतबार प्रतितोला एक लाख ३९ हजार ३०० रुपैयाँमा कारोबार भएको छापावाला सुनको मूल्य आज तोलामा एक हजार १०० रुपैयाँले घटेर प्रतितोला एक लाख ३८ हजार २०० रुपैयाँमा कारोबार भइरहेको छ ।

त्यस्तै आज तेजावी सुन तोलामा एक हजार १०० रुपैयाँले घटेर प्रतितोला एक लाख ३७ हजार ५५० रुपैयाँमा कारोबार भइरहेको छ ।

यसैगरी, चाँदीको मूल्य पनि तोलामा ३५ रुपैयाँले घटेको छ । आइतबार प्रतितोला एक हजार ७४० रुपैयाँमा कारोबार भएकामा आज प्रतितोला एक हजार ७०५ रुपैयाँमा कारोबार भइरहेको छ ।