नयाँ बन्ने भनिएको सरकारमा रवि लामिछानेको पार्टी सहभागी नहुने

काठमाडौं । रवि लामिछाने नेतृत्वको राष्ट्रिय स्वतन्त्र पार्टी (रास्वपा) कांग्रेस–एमाले समीकरणमा अब बन्ने भनिएको नयाँ सरकारमा सहभागी नहुने भएको छ ।

आज मंगलबार बिहान बसेको रास्वपा सचिवालयको बैठकले नयाँ बन्ने सरकारमा सहभागी नहुने निर्णय गरेको हो ।

प्रचण्ड नेतृत्वको वर्तमान सरकारमा रास्वपाका उपप्रधान तथा गृहसहित चार मन्त्री छन् । पार्टी सभापति रवि लामिछाने उपप्रधानमन्त्री तथा गृहमन्त्री छन् भने उपसभापति डोलप्रसाद अर्याल श्रम तथा रोजगार मन्त्री, सुमना श्रेष्ठ शिक्षा मन्त्री र विराजभक्त श्रेष्ठ युवा तथा खेलकुद मन्त्री छन् ।