मुग्लिङ–नारायणगढ सडकखण्डको घुमाउनेमा बस दुर्घटना, १० जना घाइते

काठमाडौं । मुग्लिङ–नारायणगढ सडकखण्डको घुमाउने भन्ने स्थानमा यात्राुबाहक बस दुर्घटनामा परेको छ ।

बस दुर्घटना हुँदा १० जना घाइते भएको जिल्ला प्रहरी कार्यालय चितवनले जनाएको छ ।
महेन्द्रनगरबाट काठमाडौँ आउँदै गरेको सुदूरपश्चिम प्रदेश ०२–००१ ख १३३२ नम्बरको बस आज बिहान भरतपुर महानगरपालिका वडा नम्बर २९ घुमाउनेमा दुर्घटनामा परेको हो ।

घाइतेहरुलाई उपचारको लागि भरतपुर अस्पताल लगिएको छ । बसमा आफैँ अनियन्त्रित भई सडकको डिभाइडरमा ठोक्किएको बताइएको छ ।