सोमबार, असार २३, २०८२
कर्पोरट खबर
11:11 am, आइतबार, असार २२, २०८२
इटहरी (सुनसरी) । जब्दीस्थित मुरा खोलामा पौडी खेल्ने क्रममा दुई बालकको शनिबार मृत्यु भएको छ ।
जिल्ला प्रहरी कार्यालयका प्रवक्ता योगेन्द्र खतिवडाका अनुसार मृत्यु हुनेमा इटहरी उपमहानगरपालिका–१६ का नौ वर्षीय युनिस खत्री र इटहरी–५ का ११ वर्षीय हेमबहादुर (विशु) परियार छन् ।
इलाका प्रहरी कार्यालय पकलीबाट प्रहरी निरीक्षक लेखनाथ दाहालको नेतृत्वमा खटिएको टोलीले बालकहरूको तत्काल उद्धार गरेर उपचारका लागि सान्वी सिटी अस्पताल इटहरी पुर्याएकोमा चिकित्सकले उनीहरूलाई मृत घोषणा गरेका हुन् ।
अस्पतालले शनिबार दिउँसो दुवै बालकलाई मृत घोषणा गरेको प्रहरीले जनाएको छ । घटना सम्बन्धमा आवश्यक कानुनी प्रक्रिया पूरा गरी शव परीक्षणका लागि बीपी कोइराला स्वास्थ्य विज्ञान प्रतिष्ठान धरानमा राखिएको छ ।
FACEBOOK COMMENTS