सोमबार, असोज ६, २०८२
कर्पोरट खबर
12:02 pm, सोमबार, असोज ६, २०८२
काठमाडौँ । अमेरिकी राष्ट्रपति डोनाल्ड ट्रम्प र अर्बपति एलन मस्क महिनौंको झगडापछि पहिलो पटकसँगै देखिएका थिए ।
दक्षिणपन्थी कार्यकर्ता चार्ली कर्कलाई श्रद्धाञ्जली अर्पण गर्न आयोजना गरिएको एरिजोनाको ग्लेन्डेलको कार्यक्रममा ट्रम्प र मस्कबीच भेट भएको हो ।
सो कार्यक्रममा हजारौं मानिसहरूले दक्षिणपन्थी कार्यकर्ता चार्ली कर्कलाई श्रद्धाञ्जली अर्पण गरेका थिए । यस भेटले दुई बीचको मेलमिलापको संकेत गरेको छ ।
मस्कले ट्रम्पको राष्ट्रपति चुनाव अभियानमा २४ करोड डलरभन्दा बढी दान गरेपछि उनको सल्लाहकार बनेका थिए ।
ट्रम्पको दोस्रो कार्यकालमा, मस्कले सरकारी दक्षता विभागको नेतृत्व गरेर ठूलो संख्यामा सरकारी खर्च कटौती अभियान संचालन गरेका थिए । यद्यपि, पछि उनीहरूको सम्बन्ध बिग्रियो र मस्कले सरकारी दक्षता विभागको नेतृत्व छोडेर ट्रम्पसँग दूरी बनाएका थिए ।
FACEBOOK COMMENTS