बिहीबार, चैत ५, २०८२
कर्पोरट खबर
7:10 am, बुधबार, चैत ४, २०८२
काठमाडौं । अखिल नेपाल फुटबल संघ (एन्फा) को आयोजनामा आजदेखि शहीद स्मारक एन्फा महिला लिग सुरु हुँदैछ ।
वैशाख १२ गतेसम्म ललितपुरस्थित च्यासल मैदानमा सञ्चालन हुने लिगका खेलहरू सिंगल राउन्ड रोविनका आधारमा हुने एन्फाले जानकारी दिएको छ ।
लिगमा एपीएफ फुटबल क्लब, बागमती युवा क्लब, चर्च ब्वाइज युनाइटेड, झापा एफसी, न्यूरोड टिम, नेपाल पुलिस क्लब, आरएस रिसोर्ट पोखरा, संकटा क्लव र त्रिभुवन आर्मी एफसी गरि ९ क्लबको सहभागिता रहनेछ ।
उद्घाटन खेल अघि मंगलबार एन्फा कम्प्लेक्स सातदोबाटोमा आयोजित प्रि म्याच कन्फ्रेन्समा सहभागी टिमका प्रशिक्षक र कप्तानहरुले खेलाडीहरू लिगका लागि तयार रहेको बताएका थिए ।
आज लिगको उद्घाटन खेलमा न्युरोड टिम (एनआरटी) र संकटा फुटबल क्लबबीच विहान ११ बजेदेखि तथा अर्को खेल त्रिभुवन आर्मी क्लब र झापा एफसीबीच दिउसो ३ बजेदेखि शुरु हुने हुने तालिका रहेको छ ।
FACEBOOK COMMENTS