अत्याधुनिक फिचरसहित पोको एक्स–८ सिरिज सार्वजनिक, मूल्य कति ?

काठमाडौं । नेपालका लागि पोकोको आधिकारिक विक्रेता टेलिटकले नेपाली बजारमा आफ्नो बहुप्रतिक्षित पोको एक्स–८ सिरिज अन्तर्गत दुई स्मार्टफोन पोको एक्स–८ प्रो ५ जि र एक्स–८ प्रो म्याक्स ५जि सार्वजनिक गरेको छ।

पोको एक्स–८ प्रो ५जि मा फ्ल्यागसिप डाइमेनसिटी ८५००–अल्ट्रा प्रोसेसर छ, जसले उत्कृष्ट प्रदर्शनसँगै ब्याट्री पनि कम खपत गर्छ। यसमा ६५०० एमएएच पावरको ठूलो ब्याट्री, १०० डब्लु हाइपरचार्ज र २७ डब्लु रिभर्स चार्जिङ सुविधा उपलब्ध छ।

यसमा ५० एमपी मुख्य क्यामेरा, ८ एमपी अल्ट्रावाइड क्यामेरा र २० एमपी को फ्रन्ट क्यामेरा भएकाले तस्विर खिच्दा वा भिडियो बनाउँदा उत्कृष्ट अनुभवको महसुस गर्न सकिन्छ। डिस्प्लेमा ६.५९ इन्चको १.५के रेजोलुसनसहित १२० एचजेड अल्ट्रा–ब्राइट एमोलेड स्क्रिन छ, जसमा उच्च ब्राइटनेस र डिमिङको फिचरसमेत उपलब्ध छ।

यसबाहेक पोको एक्स–८ प्रो ५जि मा आइपी६८ को रेटिङको सुविधा भएकाले पानी र धुलोबाट बचाउनुका साथै लामो समयसम्म टिकाउ राख्न मद्दत गर्नेछ । त्यस्तै पोको एक्स–८ प्रो म्याक्स ५जि मा फ्ल्यागसिप डाइमेनसिटी ९५००एस चिपसेट जडान गरिएको छ।

यसमा ८५०० एमएएच क्षमताको शक्तिशाली ब्याट्री, १०० डब्लु हाइपरचार्ज, २७ डब्लु रिभर्स चार्जिङको सुविधा भएकाले दुई दिनसम्म ब्याट्री टिक्न सक्ने कम्पनीको दाबी छ। यस स्मार्टफोनमा ६.८३ इन्चको १.५के १२०एचजेड अल्ट्रा–ब्राइट एमोल्ड डिस्प्ले रहेकोछ। ५०एमपी मुख्य क्यामेरा, ८एमपी अल्ट्रा–वाइड क्यामेरा र २०एमपी फ्रन्ट क्यामेरा रहेको छ। यसमा पनि आइपी६८ डस्ट तथा वाटर रेसिस्टेन्सको सुविधासँगै स्प्ल्याश, ड्रप, बेन्ड र प्रेसरबाट थप सुरक्षा प्रदान गर्दछ।

पोको एक्स–८ प्रो ५जि दुई भेरियन्टमा उपलब्ध छ। ८जीबी+२५६जीबी भेरियन्टको बजार मूल्य ६३,९९९ रूपैयाँ तोकिएको छ र १२+५१२ जीबीको मूल्य ७३,९९९ रूपैयाँ रहेको छ। यी दुवै भेरियन्टहरू कालो, हरियो र सेतो रङमा उपलब्ध छन्।

त्यसैगरी, एक्स–८ प्रो म्याक्स ५जि १२+२५६जीबी को मूल्य ७९, ९९९ रूपैयाँ र १२+५१२जीबीको मूल्य ८९,९९९ रुपैयाँ तोकिएको छ। यी दुवै भेरियन्टहरू निलो, कालो र सेतो रङमा उपलब्ध छन्।

ग्राहकहरूको सुविधाका लागि पोकोले ९ महिनासम्मको इएमआई र १ वर्षको ब्रान्ड वारेन्टीको सुविधा दिइएको छ। यी दुवै स्मार्टफोनहरू टेलिटकका आधिकारिक शोरुम, देशभरका आउटलेट र दराजबाट खरिद गर्न सकिने कम्पनीले जनाएको छ।