अभिनेत्री मौनी विवाह गर्दै

काठमाडौं, माघ ६ – बलिउड अभिनेत्री मौनी रायले विवाह गर्ने भएकी छन्। समाचारअनुसार उनले दुबई निवासी सुरज नान्बियारसँग विवाह गर्न लागेकी हुन्। दुवै पछिल्लो केही समयदेखि एकअर्कासँग प्रेममा थिए।

लकडाउनको सुरुको समयदेखि नै अभिनेत्री राय दुबईमा बस्दै आएकी छन्। केही दिनअघि उनले आफ्नो सम्बन्धको खुलासा गर्दै सुरज र उनको परिवारका साथ तस्बिरसमेत सार्वजनिक गरेकी थिइन्। उनले सुरजका आमाबुबालाई ममी, ड्याडी भनेर सम्बोधनसमेत गरेकी छन्। 

अभिनेत्री राय छिट्टै फिल्म ‘ब्रह्मास्त्र’मा देखिँदै छिन्। यो फिल्ममा उनीसँगै आलिया भट्ट, रणवीर कपुर, अमिताभ बच्चनको समेत मुख्य भूमिका छ। उनी अभिनीत पहिलो टेलिफिल्म ‘क्यों कि सास भी कभी बहु थी’ थियो।