दिन प्रतिदिन बढदै कोरोना संक्रमित, विश्वमा आज करिब डेढ लाखमा संक्रमण पुष्टि

काठमाडौं, १८ चैत – विश्वभर एकैदिनमा करिब डेढ लाखमा कोरोना संक्रमण पुष्टि भएको छ । पछिल्लो २४ घण्टामा विश्वभर १ लाख ४२ हजार १ सय ८३ जनामा कोरोना संक्रमण पुष्टि भएको छ । योसंगैं विश्वमा कोरोना संक्रमितको कुल संख्या १२ करोड ८९ लाख ३२ हजार १ सय ७६ पुगेको छ । 

यस्तै,विश्व स्वास्थ्य संगठनको तथ्यांक अनुसार बितेको २४ घण्टामा विश्वमा ३ हजार ६ सय २ जनाको मृत्यु भएको छ । योसंगै विश्वमा कुल मृतकको संख्या २८ लाख १८ हजार ७ सय ६२ पुगेको छ ।

यसैगरी, कुल संक्रमितमध्ये १० करोड ४० लाख २८ हजार २६ जना संक्रमण मुक्त भएका छन् भने  २ करोड २० लाख ८५ हजार भन्दा बढी सक्रिय संंक्रमित रहेका छन् ।