यातायात कार्यालयमा लाइसेन्स नवीकरण र राजस्व संकलन आजबाट शुरू

काठमाडौं ।   यातायात व्यवस्था कार्यालय ठूलो भर्याङले सवारी साधनको लाइसेन्सको नवीकरण, राजश्व संकलन लगायतको सेवाहरु सूचारु गरेको छ ।निषेधाज्ञाको कारण स्थगित भएका सेवाहरु आजदेखि स्वास्थ्य मापदण्ड पालना गर्दै सुचारु गरिएको यातायात व्यवथा कार्यालय ठूलो भर्याङले जनाएको छ ।

कार्यालयले नियमित रुपमा आजदेखि राजश्व तिर्ने, लाइसेन्स लिन आउने, लाइसेन्स नवीकरण गर्नको लागि कोटा तोकिएको छ । कार्यालयले दैनिक सवारी साधन नवीकरणका लागि ७० जना, ट्रायल परिक्षा उर्तिण भएका परिक्षार्थीहरुको राजश्व संकलन ७० जना, सवारी चालक अनुमति पत्रलिन आउनेको २०० जना मात्रै आउने कोटा तोकेको छ ।

तर सवारी चालक अनुमतिपत्र लाइन्सेन्स भने तत्काल नखुलाउने निर्णय गरेको कार्यालय प्रमुख सञ्जय थापाले बताए ।