मनिषा बजगाईंको गीत ‘चञ्चल यो मन’ सार्वजनिक

काठमाडौं । गायिका मनिषा बजगाईंको गीत ‘चञ्चल यो मन’ सार्वजनिक भएको छ । मनको आनन्दको शब्द र कालीप्रसाद बास्कोटाको संगीत तथा एरेन्ज रहेको भिडियो सहित सार्वजनिक भएको हो ।

गीतको भिडियोमा गायिका बजगाईं र सन्तोष पन्तको रोमान्स देख्न सकिन्छ । धन योञ्जन लामाको छायाँकन, माधव बेलबासेको सम्पादन रहेको भिडियाे मोहनराज अधिकारीले निर्देशन गरेका हुन् । ८ बर्षको बाल्यकालदेखि गाउन सुरु गरेकी काभ्रेकी गायिका मनिषाले धेरै सांगीतिक कार्यक्रम तथा भजन एल्बम समेत गाएकी छन् ।