गाडी दुर्घटनामा सर्केगाड गाउँपालिकाका उपाध्यक्षको मृत्यु

काठमाडौं । गाडी दुर्घटनामा घाइते भएका हुम्लाको सर्केगाड गाउँपालिकाका उपाध्यक्ष चन्द्रसिंह कार्की ‘मुक्ति’ को मृत्यु भएको छ ।

घाइते भएका कार्कीको उपचारका क्रममा भेरी अस्पतालमा मृत्यु भएको जिल्ला प्रहरी कार्यालय सुर्खेतका प्रहरी नायव उपरीक्षक वीरेन्द्रवीर विश्वकर्माले बताए ।

घाइते अन्यको भेरी अस्पताल लगिएको थियो । उपचारका क्रममा ३९ वर्षीय कार्कीको राती दुई बजेतिर निधन भएको बताइएको छ ।

उनी सुर्खेतबाट नेपालगन्ज जाँदै गरेको कर्णाली प्रदेश ०२००१ ख १०११ नम्बरको फोर्स गाडी दुर्घटना हुँदा घाइते भएका थिए । गाडीमा रहेका अन्य २१ जना घाइते भएका छन् ।

उनी कर्णाली प्रदेश सभा सदस्य जुम्कित लामा कार्कीका श्रीमान् हुन् ।