ब्रिटिस कलेजका सीईओ कँडेललाई ‘एमडी अफ द इयर’ अवार्ड

काठमाडौं । द ब्रिटिस कलेजका प्रमुख कार्यकारी अधिकृत (सीईओ) राजन कँडेललाई एसएमई न्युजले ‘एमडी अफ द इयर’ अवार्ड प्रदान गरेको छ ।

ब्रिटिस एजुकेसन ग्रुप अन्तर्गतको ब्रिटिस कलेजका संस्थापक समेत रहेका कँडेल ‘एसएमई न्युज आईटी अवार्ड २०२४’ बाट सम्मानित भएका हुन् । बेलायतको प्रकाशन गृह एसएमईले वार्षिक रूपमा सकारात्मक परिवर्तनका लागि काम गरिरहेका व्यवसायीलाई अवार्ड प्रदान गर्दै आइरहेको छ ।

एसएमई न्यूजले उद्यमशीलता क्षेत्रका परिश्रमीहरू योग्य व्यक्तिलाई अवार्ड प्रदान गर्दछ । अन्य प्रतिस्पर्धीहरूभन्दा फरक तरिकाले आईटी सोलुसन, डेटा माइग्रेसन तथा आईटी ट्रान्फरमेसन सेक्टरमा काम गर्दै आएका व्यक्तिहरू सो अवार्डका लागि मनोनयनमा परेका थिए ।

सीईओ कँडेलले ‘इन्टरनेसनल एजुकेसन सेक्टर’ विधा अन्तर्गत ‘सर्वश्रेष्ठ लगानी गर्ने म्यानेजिङ डाइरेक्टर’ को रुपमा कँडेल ग्रुपका लागि यो अवार्ड जितेका हुन् ।