‘स्पीड फेस्ट २०२५’ मा बजाज, केटीएम र ट्रायम्फ सहभागी हुँदै

काठमाडौं । यही फागुन ३ गते शनिबारका दिन एलिस रिसेप्शन, बालुवाटारमा आयोजना हुन लागेको ‘स्पीड फेस्ट २०२५’ मा ७० भन्दा बढी सुपरबाइकको विशेष प्रदर्शनी हुने भएको छ । साथै यस स्पीड फेस्टमा हंशराज हुलासचन्द एण्ड कम्पनी प्रालिद्वारा वितरित बजाज, केटीएम र ट्रायम्फ ब्रान्डका मोटरसाइकलहरूको विशेष सहभागिता रहनेछ ।

यी मोटरसाइकलहरू आफ्नो उत्कृष्ट प्रदर्शन, पावर र नयाँ प्रविधिका कारण बाइकप्रेमीहरूमाझ लोकप्रिय छन् । यस इभेन्टले मोटरसाइकल उत्साहीहरूका लागि रोमाञ्चक अनुभव प्रदान गर्नेमा आयोजकहरू विश्वस्त रहेका छन् ।

स्पीड फेस्ट २०२५ नेपालकै सबैभन्दा ठूलो मोटरसाइकल उत्सव हुने आयोजकले बताएका छन्, जसमा हजारौं मोटरसाइकलप्रेमी र उद्योगी व्यवसायीहरूको सहभागिता रहने छ ।

कार्यक्रममा सुपरबाइक प्रदर्शनी, ग्रान्ड बाइक र्‍याली, नयाँ मोडलको लन्च, टेस्ट राइड सेसन तथा नेपालका चर्चित ब्याण्डहरू द एलिमेन्टस् र रकहेड्सको प्रत्यक्ष सांगीतिक प्रस्तुतिसमेत समावेश रहेको छ ।

स्पीड फेस्ट २०२५ ले नेपालका मोटरसाइकल उत्साहीहरूलाई रोमाञ्चक अनुभव प्रदान गर्ने लक्ष्य राखेको छ ।