अम्बिकेश्वरी मन्दिरमा भक्तजनको घुइँचो
दाङ, २४ असोज :
दाङको घोराही उपमहानगरपालिका-१८ स्थित प्रसिद्ध शक्तिपिठ अम्बिकेश्वरी मन्दिरमा बडादसैँको फूलपातिकादिन पूजाअर्चना गर्न पुगेका भक्तजनको घुइँचो । तस्बिर : कुलदीप न्यौपाने/रासस
काठमाडौं । आश्विन शुक्ल सप्तमी अर्थात् फूलपातीका दिन आज बिहानैदेखि देशभरका शक्तिपीठमा देवीको पूजा, आराधना एवं दर्शन गर्नेको भीड लागेको छ ।
सुर्खेतको वीरेन्द्रनगरस्थित देउती बज्यै मन्दिरमा आज वडादसैँको फूलपातीको दिन पूजा अर्चना गर्दै भक्तजन
नवरात्रकामा शक्तिपीठमा पूजा, आराधना एवं दर्शन गरेमा मनोकामना पूरा हुने धार्मिक विश्वास छ । देशभरका शक्तिपीठमा भक्तजनको भीड लागेको हो ।
सिरहाको लहानस्थित दुर्गा मन्दिरमा सप्तमीका दिन बिहान पुजापाठ गर्न आएका भक्तजनहरु ।
राजधानीका पशुपति क्षेत्रस्थित गुह्येश्वरी, भुवनेश्वरी, वत्सलेश्वरी र जयवागीश्वरीका साथै काठमाडौँ उपत्यकास्थित मैतीदेवी, कालिकास्थान, भद्रकाली, सङ्कटा, शोभाभगवती, विजेश्वरी, कङ्केश्वरी, रक्तकाली, श्वेतकाली, दक्षिणकाली, नक्साल भगवती, चामुण्डामाई, सुन्दरीमाई, इन्द्रायणी, वनदेवी, बज्रयोगिनीलगायत शक्तिपीठमा पनि बिहानैदेखि दर्शनार्थीको घुइँचो छ ।
सुनसरीको इनरुवा नगरपालिका-९ स्थित भगवती मन्दिरमा बिहीबार फूलपाती भित्र्याउँदै नेपाली सेना र सशस्त्र प्रहरीको टोली ।
यसैगरी काठमाडौँ उपत्यका बाहिरका नाला भगवती, चण्डेश्वरी, पलाञ्चोक, पाल्चोक भगवती, कमलामाई, रौतामाई, कालिञ्चोक, पाथीभरा, गहवामाई, मनकामना, इच्छाकामना, दन्तकाली, राजदेवी, छिन्नमस्ता, गढीमाई, शैलेश्वरी, विन्ध्यवासिनी, भुवनेश्वरी, सुपादेउराली, उग्रतारालगायत शक्तिपीठमा पनि बिहानैदेखि भक्तजनको भीड लागेको हाम्रा स्थानीय समाचारदाताहरूले जनाएका छन् । नवरात्रको सातौँ दिन आज दसैँ घर वा पूजा कोठामा कालरात्रिको आह्वान गरी आराधना गरिँदै छ ।
शिवपुरी नागार्जुन राष्ट्रिय निकुञ्जमा रहेको नेपाली सेनाको कालिध्वज गणले तारकेश्वर नगरपालिका-४ स्थित पुरानो गुह्ययेश्वरी मन्दिरमा बिहीबार फूलपाती पूजा गरी गण तफ फूलपाती भित्र्याइँदैै। जनकपुरधामको माता राजदेवीको मन्दिरमा बडा दसैँको सप्तमीका दिन बिहीबार दर्शन गर्न तथा प्रसाद चढाउन लामबद्ध भक्तजन ।
संखुवासभामा रहेको नेपाली सेना र नेपाल प्रहरीले मनकामना मन्दिर र फुलपाती चोकबाट ल्याएको फुलपातीलाई खांदबारीको टुडिखेलमा पुजा आरधाना पछि आ-आफ्नो कार्यालयमा भित्र्याउँदै नेपाली सेना र नेपाल प्रहरी । दाङको घोराही उपमहानगरपालिका-१८ स्थित प्रसिद्ध शक्तिपिठ अम्बिकेश्वरी मन्दिरमा बडादसैँको फूलपातिकादिन पूजाअर्चना गर्न पुगेका भक्तजनको घुइँचो ।
FACEBOOK COMMENTS