पञ्चकन्या ग्रुपको वार्षिकोत्सवमा रक्तदान

काठमाडौं । पञ्चकन्या ग्रुपले आफ्नो ५२औं वार्षिकोत्सवका अवसरमा रक्तदान कार्यक्रम आयोजना गरेको छ ।

विगत वर्षहरूदेखि नै वार्षिकोत्सवका अवसरमा रक्तादन कार्यक्रम गर्दै आएको पञ्चकन्या ग्रुपले यस वर्ष पनि त्यसलाई निरन्तरता दिएको हो ।

बुधबार ललितपुरको कृष्णगल्लीस्थित ग्रुपको केन्द्रीय कार्यालयमा नेपाल रेडक्रस सोसाइटी, ललितपुर रक्त सञ्चार केन्द्र पुल्चोकको सहयोगमा रक्तदान कार्यक्रम आयोजना गरिएको हो ।

कार्यक्रममा ग्रुपका सञ्चालकहरू, केन्द्रीय कार्यालय तथा ग्रुपअन्तर्गतका सिस्टर्स कन्सर्न उद्योगहरूमा कार्यरत कर्मचारी र ग्रुपसँग आबद्ध शुभचिन्तकहरू गरी जम्मा ४८ जनाले रक्तदान गरे ।

पञ्चकन्या ग्रुपले आफ्नो सामाजिक उत्तरदायित्वअन्तर्गत वार्षिक रूपमा रक्तदान कार्यक्रम गर्दै आएको छ ।