बुधबार, वैशाख ९, २०८३
कर्पोरट खबर
7:37 pm, बुधबार, वैशाख ९, २०८३
काठमाडौँ । नेपालले जारी आईसीसी वुमेन्स च्यालेन्ज ट्रफीमा घरेलु टोली रुवाण्डालाई पराजित गरेको छ ।
बुधबार सम्पन्न खेलमा नेपालले रुवाण्डालाई २ विकेटले पराजित गरेको हो ।
रुवाण्डाले दिएको ८९ रनको लक्ष्य पछाएको नेपालले १९.४ ओभरमा ८ विकेट गुमाएर लक्ष्य पुरा गरेको थियो । नेपालको जितमा सम्झना खडकाले ४८ रन बनाएकी थिइन् ।
यसअघि पहिला ब्याटिंग गरेको रुवाण्डाले १९.४ ओभरमा अलआउट हुदै ८८ रन मात्र बनाएको थियो ।
यो जितपछि नेपालको ३ खेलमा दोस्रो जितसहित ४ अंक भएको छ भने रुवाण्डाको ४ खेलमा ४ अंक रहेको छ ।
अब नेपालले अर्को खेल अप्रिल २४ मा भानुआटुमा, अप्रिल २६ मा अमेरिकासँग, अप्रिल २८ मा रुवाण्डासँग, अप्रिल ३० मा भानुआटुसँग र मे १ मा इटालीसँग खेल्ने तालिका रहेको छ ।
