पछिल्लो २४ घण्टामा ३०८ जना कोरोना संक्रमित पुष्टि, ३ जनाको मृत्यु

काठमाडौं । पछिल्लो २४ घण्टामा ३०८ जना कोरोना संक्रमित थपिएका छन्। देशभर गरिएको ७ हजार १०४ पीसीआर र एक हजार ८०५ जनाको एन्टीजेन परीक्षणका क्रममा ३०८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

यो सँगै कुल संक्रमितको संख्या ८ लाख २० हजार २८५  पुगेको छ। कुल संक्रमितमध्ये ७ हजार ३४९ जना सक्रिय संक्रमित छन्। गत २४ घण्टामा २९८ जना संक्रमित निको भएका छन्। यो सँगै देशभर निको हुनेको संख्या ८ लाख एक हजार ४२० पुगेको छ।

उक्त अवधिमा ३ जना संक्रमितको मृत्यु भएको मन्त्रालयले जनाएको छ। हालसम्म कोरोना संक्रमणबाट मृत्यु हुनेको संख्या ११ हजार ५१६ पुगेको छ।  १०३ जना क्वारेन्टाइनमा छन्।

पछिल्लाे २४ घण्टामा एक लाख ७७ हजार ८८४ जनाले काेराेनाविरुद्धकाे खाेप लगाएकाे स्वास्थ्य मन्त्रालयले जनाएकाे छ।