शनिबार, असोज २४, २०८३
कर्पोरट खबर
6:06 pm, शनिबार, असोज २४, २०८३
काठमाडौं। पोर्चुगलका कप्तान तथा स्टार फुटबलर क्रिस्टियानो रोनाल्डो अनुशासनात्मक कारबाहीको प्रक्रियामा परेपछि अस्थायी रूपमा निलम्बित भएका छन्।
पोर्चुगिज फुटबल महासङ्घले अक्टोबर ९, २०२६ मा अनुशासनात्मक अनुसन्धान अघि बढाउने निर्णय गरेसँगै रोनाल्डोमाथि अस्थायी निलम्बन लगाइएको हो।
महासङ्घका अनुसार अक्टोबर ७ मा भएका घटनाको अनुशासनात्मक महत्त्वबारे अनुसन्धान गर्न कारबाही प्रक्रिया सुरु गरिएको हो। खेलाडीमाथि यसअघि लागू भएको स्वत: निलम्बनको व्यवस्थाबाहेक थप अस्थायी निलम्बन लगाउने निर्णय गरिएको र प्रक्रियालाई तत्काल अघि बढाउनुपर्ने ठहर गरिएको महासङ्घको विज्ञप्तिमा उल्लेख छ।
रोनाल्डोले पोर्चुगलको राष्ट्रिय टोलीको क्याम्प छाडेको विषयमा सार्वजनिक रूपमा माफी माग्दै आफूलाई सजाय दिन सकिने सङ्केत समेत दिएका थिए। यद्यपि, उनीमाथि लगाइएको निलम्बनको अवधि र अन्तिम सजायबारे भने निर्णय हुन बाँकी रहेको छ।
