टोखाबाट पक्राउ परेका पूर्वउपराष्ट्रपतिका छोरा दीपेश पुनलाई भैरहवा लगियो

काठमाडौं । काठमाडौंको टोखाबाट पक्राउ परेका पूर्वउपराष्ट्रपति नन्द किशोर पुन पासाङका छोरा दीपेश पुनलाई भैरहवा लगिएको छ ।

रुपन्देहीमा सहकारी ठगीसम्बन्धी मुद्दामा उनीविरुद्ध पक्राउ पुर्जी जारी भएको थियो ।

पुर्जी जारी भएका उनलाई आजै जहाजमार्फत भैरहवा पठाएको प्रहरीले जनाएको छ ।

रुपन्देहीको सुप्रिम बचत तथा ऋण सहकारी संस्थाका सर्वसाधारणको बचत हिनामिनामा उनको पनि संलग्न देखिएको छ ।
उनीविरुद्ध सुन तस्करीमा संलग्न भएको आरोप समेत लागेको छ ।