भूकम्पबाट चीनको तिब्बतमा ज्यान गुमाउनेको संख्या ३२ पुग्यो

काठमाडाैँ । भूकम्पबाट चीनको तिब्बतमा ज्यान गुमाउनेको संख्या ३२ पुगेको छ।

चीनको डिंग्री काउन्टी केन्द्रबिन्दु बनाएर मंगलबार बिहान ६.५० गएको ७ म्याग्नेच्युटको भूकम्पमा परी ३२ जनाको मृत्यु भएको समाचार संस्था सिन्ह्वाले जनाएको छ।

भूकम्पमा परी ३८ जना घाइते समेत भएका छन्।

चीनको डिंग्रीमा केन्द्रबिन्दु बनाएर गएको उक्त भूकम्प नेपालमा पनि महसुस भएको छ। विशेषगरी नेपालका पूर्व जिल्लाहरू उक्त भूकम्पको धक्का महसुस भएको हो।

नेपालमा अहिलेसम्म क्षति भएको विवरण आइसकेको छैन।